عامل اولادك بهذه الطريقه

العيال الأيام دي محتاجة طريقة حوار وتعامل غير اللي اتربينا عليها زمان
العيال الأيام دى وصلوا والعالم مفتوح على بعضه مش زينا اللى اتربينا على القناة الأولى والتانية بالتيلة

خلاص مينفعش تقول للعيل دلوقتي

العصفورة قالت لي وفتنت لي عليك

عصفورة إيه وهو بيفهم في الموبايل بتاعك أحسن منك ؟

**

ومينفعش تخوف العيل بأبو رجل مسلوخة

لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال.

**

مينفعش تعاقبه بأنك تأومه من أودام فيلم بيحبه وبيتفرج عليه..

لأنه هايشوفه تاني يوم على نفس المحطة الصبح وإنت ف الشغل ويخليك زي قرطاس الجوافة.

**

عايز تعاقبه

نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم.

**

لما تعوز تدلعه وتكافؤه على تفوقه

مينفعش تجيب له بندقية صيد وكوره وكتب من المكتبة الخضراء والجو القديم ده كله

تجيب له( دي اس ال) ممكن تظبطه بويب كام جامده تدخل علية ( بسكرين)

**

مينفعش لو عيل سألك عن حاجه مانتش عارفها تألفله أى أجابة من دماغك

بعد يوم ولا اتنين هايعرف الإجابه الصحيحة من التليفزيون ولا النت وساعتها هيبقى منظرك عامل زي العدة الأريكسون 688
لما يسألك أقعد معاه ع النت ودور معاه ع الأجابة المظبوطة و بلاش قلة قيمة

**

وأوعى تفهم الواد إن الرياضة هى أهلي وزمالك

بلا نيلللللا.. على رأى ماري منيب لأنه دلوقتى عارف لعيبه ريال مدريد والأرسنال وعارف أسعارهم كمان .

**

وأذا طلب رأيك ف أكلة دليفرى م اللى بياكلوها الأيام دي

أوعى تقول له: يعنى أيه دى
لأ
خليك أب روش هز دماغك بألاطه وقول له
.. حلوة طحن ياااد

ههههههههههههههههههههههههههه

عصفورة ايه وهو بيفهم في الموبايل احسن منك جامد جدا الموضوع تسمي يا لولو بس انتي وحشتينا وعايزين نشوفك معانا علي طول

خلفاوي كتب:: ههههههههههههههههههههههههههه

عصفورة ايه وهو بيفهم في الموبايل احسن منك جامد جدا الموضوع تسمي يا لولو بس انتي وحشتينا وعايزين نشوفك معانا علي طول

ميرسي يا خلفاوى منور التوبيك بوجودك