عضوين فى حوار صريح جدا

merci يا محمد على الاحراج ده بس مش مشكله هجاوب وامرى الى الله


مين اول انسان بتلجأي للتحدث معاه لما بتكوني مخنوقة ؟


كان بابا الله يرحمه ومازال يعنى يمكن بعد اكلم صورته اكتر حد بلجأ ليه


مين اكتر انسان بتثقي في رايه وبتاخدي برايه ؟

ماما


انتي بتحبي شكلك ولا بتتمني تعملي تجميل في شئ معين مش حبها ؟

هههههههههههههههههههه لا انا بحب شكلى وحتى لو شكلى وحش يعنى انا مقتنعه ان ربنا سبحانه وتعالى مخلقش شىء وحش

ايه اهم اهتماماتك؟

اكتر حاجه بحب اعملها انى اقرا بس فى حدود دراستى يمكن لما اخلص يبقى بشكل عام لكن حاليا فى حدود دراستى

مين اكتر عضو نفسك تتعرفي عليه في المنتدي ؟

اكيد كل الاعضاء
مين اكتر عضو بيضايقك ومش بتحبيه في المنتدي ؟

لالالالالالالالالالا مفيش
بتحبي الاكل ولا لا وشكلك بيبقي ايه وانتي بتاكلي حلو . وحش . بشع ؟

هو مش بحب الاكل يعنى انى اكل لا بحب افنن فى الطبيخ دى هوايه بصراحه خصوصا بحب اجمل الاكل ههههههههههههههههههههههه مش عارفه بصراحه شكلى بيبقى عامل ازاى


ايه رايك في نور القمر وحنين بكل صراحة وبدون تحيز او مجاملة ؟


مممممممممممممممممممممممممممممم ليه الاحراج ده بص يا سيدى انا بحب نور جدا ونفسى اتعرف عليها شخصيا
كمان حنين بحبها جدا زى اختى رقيه بس بزعل منها لما تدايق على حاجات تافهه اكيد فاهمنى يا حنون

بتحبي القراء ولو بتحبيها ايه اكتر مجال بتحبي تقراي فيه ؟

اه بحب القراءه بس فى مجال دراستى

لو كسبتي 200000 جنيه هتعملي بيهم ايه ؟

اول حاجه اعملها اطلع ماما تحج تانى حاجه ادخل اخويا الكليه اللى نفسه يدخلها وان شاء الله يدخلها

ايه اكتر مكان نفسك تروحيه في الدنيا ؟

بجد نفسى ابقى مع بابا

لو اتمنتي تعيشي مع حبيبك ايه المكان اللي تحبي تعيشي معاه فيه؟


اى مكان ابقى معاه لوحدى ويكون فيه بحر لانى بحب اسرح ادام البحر

ايه مواصفاتك في رجل المستقبل الخاص بيكي فارس احلامك يعني ؟


اولا انه يكون متدين ويعرف ربنا يخاف عليا يحبنى ويحافظ عليا لكن مواصفات شكل دى مش بتهمنى

امنية كان نفسك تحققيها ومش حققتيها ؟ واخري كان نفسك تحققيها وحققتيها ؟


كان نفسى احقق امنية بابا وادخل هندسه بس الحمد لله لما دخلت ادبى كان عاوزنى ادخل تجاره والحمد لله دخلتها مممممممممممممممممممم
كنت بتمنى بعد بابا ما توفى انى افرح ماما بنجاحى والحمد لله ويا رب تكمل باخر سنه دى


ايه الدعاء اللي ممكن تدعيه لمحاورك؟ والدعاء اللي تدعيه لاسرتنا اسرة نور القمر ؟

هو دعاء ومن القران ( ربنا لا تؤاخذنا ان نسينا او اخطأنا ربنا ولا تحمل علينا اصرا كما حملته على الذين من قبلنا ربنا ولا تحملنا ما لا طاقة لنا به واعف عنا واغفر لنا وارحمنا انت مولانا فانصرنا على القوم الكافرين )

كمان ايه الدعوة اللي تقديمها لينا ؟


( ربنا لا تزغ قلوبنا بعد ان هديتنا وهب لنا من لدنك رحمة انك انت الوهاب )

دائما وابدا اسال كل من حاورته في اي مكان في الدنيا هل انت ايجابي ام من اصحاب مبدأ وانا مالي ؟


لا بالعكس انا ايجابيه جدا مليش فى كلمة وانا مالى دى

وموقفك من الايجابية ونشرها ؟

بص بحاول بقدر امكانى افكر فى حلول لاى مشكله مش بطلع نفسى منها حتى لو مش بتخصنى